સિટી બસે અકસ્માત સર્જતા ટોળાંની તોડફોડ

visit our website ranako.com for variety of news and views of rajkot with kathiawadi flavour


સિટી બસે અકસ્માત સર્જતા ટોળાંની તોડફોડ

રાજ સિટી બસના ચાલકે કાલાવડ રોડ પર સ્કૂટર સવાર યુવતીને ઠોકરે ચડાવી : પોલીસની નજર સામે જ ટોળાંએ કાચ ફોડ્યા.બસમાં તોડફોડ થતાં સિટી બસના ચાલકોની હડતાળ, પ્રજા પરેશાન : સામ સામી ફરિયાદ બાદ ચાલકની ધરપકડ.કાલાવડ રોડ પર આજે બપોરે રાજ સિટી બસના ચાલકે સ્કૂટર સવાર યુવતીને ઠોકરે ચડાવી હતી. અકસ્માતના બનાવથી વફિરેલા ટોળાએ પોલીસની નજર સામે જ બસમાં તોડફોડ કરી રોષ વ્યક્ત કર્યો હતો. હુમલાની ઘટનાથી રાજસિટી બસના ચાલકો હડતાળ પર ઉતરી ગયા હતા.


ઠાકરેને ખોટું બોલવાની આદત છે: રાણે

કલ્યાણ-ડોમ્બિવલી મહાનગરપાલિકાની ચૂંટણી નિમિત્તે કલ્યાણમાં એક પત્રકાર પરિષદમાં તેમણે આ બાબત જણાવી હતી. આ પત્રકાર પરિષદને રાજ્યના વાહનવ્યવહાર ખાતાના પ્રધાન રાધાકૃષ્મ વખિે- પાટિલ અને સંસદસભ્ય સંજીવ નાઈકે પણ સંબોધી હતી.રાણેએ શિવસેનાની આકરી ટીકા કરતાં જણાવ્યું હતું કે ‘‘ઉદ્ધવ ઠાકરેને મહાનગરપાલિકા એટલે શું તેની ખબર નથી. મહાપાલિકાના વહીવટી કામ વિશે કંઈ ખબર નથી, કોઈ અનુભવ નથી. કલ્યાણ-ડોમ્બિવલીમાં સેના-ભાજપ સત્તા પર આવશે તો ફરી ધાંધિયા-ગોટાળા થશે.’’શિવસેનાના પ્રચારનાં હોડિ•ગ પર ફક્ત બાળ ઠાકરેનો ફોટો છે, એ બાબતે પત્રકારોએ પૂછતાં રાણેએ જવાબ આપ્યો હતો કે ‘‘શિવસેનામાં હવે નેતા, મુદ્દા અને ગુદ્દા (ડંખ -અસરકારક્તા)માંથી કંઈ જ બચ્યું નથી. બાળાસાહેબનું હોિડઁગ જોઈને હિન્દુ અને મરાઠી માણસોને કોઈ લાભ થવાનો નથી.’’આદિત્ય ઠાકરેની યુવા સેનાની મશ્કરી ઉડાવતાં નારાયણ રાણેએ કહ્યું હતું કે ‘‘ જોયા કરો, થોડા વખતમાં પહેલાથી ચોથા ધોરણ સુધીના વિદ્યાર્થીઓ માટે પણ સેના સ્થપાશે.’’


સૌરાષ્ટ્રની પાલિકા, પંચાયતોમાં ૫૯ ટકા મતદાન

સૌરાષ્ટ્રની ત્રણ મહાનગરપાલિકાઓના મતદાનમાં શહેરીજનોએ ઉદાસીનતા દાખવ્યા બાદ ગુરુવારે યોજાયેલી નગરપાલિકા, તાલુકા પંચાયત અને જિલ્લા પંચાયતની ચૂંટણીમાં ગ્રામ્ય વિસ્તારના મતદારોએ અભૂતપૂર્વ ઉત્સાહ દાખવી ભારે મતદાન કર્યું હતું. ગોંડલ, ઉપલેટાના ખાખીજાળિયા અને વાંકાનેરમાં ભાજપ-કોંગ્રેસના કાર્યકરો વચ્ચે થયેલી સામાન્ય માથાકૂટને બાદ કરતાં સર્વત્ર શાંતિ રહી હતી અને લોકોએ ઉત્સાહપૂર્વક પોતાના મતથી ઉમેદવારોની પસંદગી કરી હતી.રાત્રિના ૯ વાગ્યે મળતા અહેવાલ મુજબ પાંચેય જિલ્લાઓની તાલુકા પંચાયતોમાં સરેરાશ ૫૯.૪૮ ટકા, નગરપાલિકાઓમાં ૫૮.૧૦ ટકા અને જિલ્લા પંચાયતોમાં ૬૦.૦૧ ટકા સરેરાશ અંદાજિત મતદાન થયાનું જાણવા મળે છે.


રાજ્યનાં ૩૦૦૦ સરકારી કર્મચારી સસ્પેન્ડ

રાજ્યના ગઢચિરોલી વિસ્તારમાં વકરેલા નકસલવાદીઓને કાબૂમાં ન કરી શકતી કોંગ્રેસ અને એનસીપીની યુતિ સરકારે આ ખતરનાક વિસ્તારમાં બદલી થવા છતાં હાજર નહીં થનારા સરકારી કર્મચારીઓ પર બરતરફીનો નિષ્ઠુર કોરડો વીંઝવાનું નમાલું કૃત્ય કર્યું છે. સરકારના આ અત્યાચારી પગલાને કારણે સમગ્ર કર્મચારી આલમમાં ફફડાટ અને અજંપાની લાગણી ફેલાઈ છે.
ગઢચિરોલી જિલ્લામાં બદલી થયા બાદ પણ ત્યાં હાજર નહીં થયેલા ત્રણ હજાર સરકારી અધિકારીઓ અને કર્મચારીઓને ફરજ બજાવવામાં બેદરકારી બદલ નિલંબિત (સસ્પેન્ડ) કરવાના આદેશો મુખ્ય પ્રધાન અશોક ચવ્હાણે સંબંધિત વિભાગોને મોકલ્યા હતા. તે ઉપરાંત નકસલવાદથી પ્રભાવિત વિસ્તારોમાં હવે પછી કાર્યક્ષમ અધિકારીઓ અને કર્મચારીઓની બદલીઓ કરવાની સૂચનાઓ પણ તેમણે આપી છે.


કોમનવેલ્થ ગેમ્સના પ્રસારણ હકોમાં પણ ગોટાળો

કોમનવેલ્થ ગેમ્સના પ્રસારણ હકો આપવા પર પ્રશ્નાર્થ ચિન્હ લાગ્યું છે. કારણ કે તેના માટે અપનાવાયેલી પ્રક્રિયા પર ઘણી તપાસ એજન્સીઓએ વાંધો ઉઠાવ્યો છે. સૂત્રોની માહિતી પ્રમાણે, માહિતી પ્રસારણ મંત્રાલયની આપત્તિ છતાં એસઆઈએસ લાઈવ નામની કંપનીને પ્રસારણ હકો આપવામાં આવ્યા હતા. શંકા એટલા માટે પણ છે કે 242 કરોડની બોલી 1202 કરોડ રૂપિયા સુધી પહોંચી ગઈ, જે લગભગ પાંચ ગણી છે. એસઆઈએસ લાઈવને 75 ટકા રકમનું ચુકવણું પણ થઈ ગયું તથા બાકીની રકમનું ચુકવણું રમતો બાદ થવાનું હતું. આયકર વિભાગને અત્યાર સુધી કોન્ટ્રાક્ટ સાથે જોડયેલા દસ્તાવેજો અને રશિદો મળી નથી. તેના સિવાય એસઆઈએસ લાઈવ દ્વારા સર્વિસ ટેક્સનું ચુકવણું કરવાનું પણ બાકી છે.


પોર્ન મીડિયાના બાદશાહનું નિધન

યુવાઓ વચ્ચે 1960ના દાયકામાં લોકપ્રિય પેંટહાઉસ મેગેઝિન દ્વારા પોર્નોગ્રાફીને પ્રોત્સાહન આપનાર બોબ ગુસિયોનનું બુધવારે ટેક્સાસ ખાતે નિધન થઈ ગયું હતું. બોબ 79 વર્ષના હતાં, તેમજ લાંબા સમયથી કેન્સરની બીમારી સામે લડી રહ્યા હતાં.બોબે 1965માં પેંટહાઉસ નામનું પોર્ન મેગેઝિન શરૂ કર્યું હતું. જેણે યુવાઓ વચ્ચે સનસની ફેલાવી હતી. પ્રસિદ્ધ પ્લેબોય મેગેઝિનની જેમ બોબે પણ પેંટહાઉસમાં ન્યૂડ ફોટોગ્રાફ સહિત અનેક વાચકોના અનુભવો છાપવાનું શરૂ કર્યું હતું. જેના કારણે તે યુવાઓની વચ્ચે ખૂબ લોકપ્રીય બની ગયું હતું.


રૂ. 50માં મોબાઇલથી મહીનાભર ગમેતેટલા મેલ કરો

મોબાઇલ ફોન ઉપર ઈમેલ અને ઇન્ટરનો સતત વધતા ઉપયોગને જોતા કંપનીઓ ખાસ્સી સસ્તી કિંમતોની સેવાઓ (સ્કિમ) આપવા લાગી છે.હવે પ્રખ્યાત વેબસાટ રેડિફ ડૉટ કૉમે 'રેડિફ એનજી' એટલે કે રેડિફ નેક્સ્ટ જનરેશન સર્વિસ આપવાની શરૂઆત કરી છે.આ ખાસ સર્વિસ પ્રમાણે મોબાઇલનો ઉપયોગ કરનારા ગ્રાહકો લગભગ 50 રૂપિયામાં એક મહીના સુધી અનલિમિટેડ ઈમેલ કરી શકે છે.રેડિફ કંપનીનું કહેવુ છે કે તેની આ યોજના સિંબાયન, જાવા અને એન્ડ્રૉયડ તમામ પ્રકારના મોબાઇલ ઑપરેટિંગ સિસ્ટમ્સની સાથે કામ કરી શકે છે. એટલે વધારેમાં વધારે ગ્રાહકો તેનો લાભ પ્રાપ્ત કરી શકે છે.


હવે ફોન કરતી વખતે પૈસાની ચિંતાને મારો ગોળી!

મોબાઇલ ફોનનો ઉપયોગ કરનારા લોકો માટે એક સારા સમાચાર આવી ગયા છે. આ વર્ષે ડિસેમ્બરમાં એટલે કે એક મહીના પછી કૉલ દરોમાં ઘટાડો થવા જઈ રહ્યો છે.દુરસંચાર નિયામક ટ્રાઈએ બેઝિક ફોન સેવાઓની કૉલ રેટ્સને નવેસરથી નક્કી કરવાની પ્રક્રિયાનો આરંભ કરી દીધો છે, અને ટ્રાઈના ચેરમેન જે એસ શર્માનું કહેવુ છે કે આ વર્ષે ડિસેમ્બર મહીના સુધીમાં આ કામને પુર્ણ કરી દેવામાં આવશે.