28 August 2010

શનિવારે ફાઇનલ એટલે ભારત જીત્યું સમજો

visit our website ranako.com for variety of news and views of rajkot with kathiawadi flavour

શનિવારે ફાઇનલ એટલે ભારત જીત્યું સમજો

પહેલા વિશ્વ કપ, પછી સતત બે વિશ્વ શ્રેણી અને પછી ઇંગ્લેન્ડને તેના જ દેશમાં હરાવવું. ટીમ ઇન્ડિયા માટે શનિવારનો દિવસ સુખનવંતો રહ્યો છે. દરેક મોટી શ્રેણીની ફાઇનલ શનિવારે રમાઇ છે તેમાં ભારતને જીત મળે છે. આ અનોંખ સંયોગનો લાભ ધોનીની સેનાને પણ મળશે.ઇતિહાસ સાક્ષી છે કે શનિવારના દિવસે ભારતીય ક્રિકેટ ટીમનો તારો આસમાનમાં હોય છે. ટીમ ઇન્ડિયાએ જીતેલો એકમાત્ર વિશ્વકપનો ફાઇનલ મુકાબલો પણ શનિવારે રમાયો હતો. અને ભારત વિજેતા થયું હતું.1983 વિશ્વ કપ- ઇંગ્લેન્ડના ઐતિહાસિક લોર્ડ્સના મેદાન પર ભારતે પ્રથમ વિશ્વકપ જીત્યો હતો. 25 જૂન 1983એ યોજાયેલા ફાઇનલ મુકાબલામાં ભારત સામે એ સમયની મહાન ટીમ વેસ્ટ ઇન્ડિઝ હતી. પરંતુ કપિલ દેવની સેનાએ કમાલ કરતા 43 રનથી આ મુકાબલો જીત્યો હતો.1993 હીરો કપ- વંડર બોયના નામથી જાણીતો થયેલો મોહમ્મદ અઝહરુદ્દિનના નેતૃત્વ હેઠળ ભારતે પ્રથમ વખત હીરો કપ પર કબ્જો જમાવ્યો હતો. દક્ષિણ આફ્રિકા, શ્રીલંકા, ઝિમ્બાવે અને વેસ્ટ ઇન્ડિઝ સાથે હોમ ગ્રાઉન્ડ પર યોજાયેલી સીબી જુબલી ટૂર્નામેન્ટની ફાઇનલમાં ભારતે વેસ્ટ ઇન્ડિઝને હરાવ્યું હતું. આ મેચ પણ શનિવારે યોજાઇ હતી. ભારતે વેસ્ટ ઇન્ડિઝને 102ના મોટા અંતરથી હરાવ્યું હતું.1994 સિંગર વિશ્વ શ્રેણી- અઝહરુદ્દિનના સુકાનીપદ હેઠળ ભારતીય ધૂરંધરોએ ફાઇનલ મુકાબલામાં શ્રીલંકાને 98માં ઓલઆઉટ કરી દીધું હતું. આ મેચ 17 સપ્ટેમ્બર 1994ના રોજ રમાઇ હતી. અને ત્યારે પર શનિવાર જ હતો.1994-95 વિલ્સ વિશ્વ શ્રેણી- ઘરેલુ મેદાનો પર રમાયેલી આ ટૂર્નામેન્ટ પણ ભારતના ભાગે આવી હતી. જોગાનુજોગ આ શ્રેણીની ફાઇનલ પણ શનિવારે જ રમાઇ હતી. ટીમ ઇન્ડિયાએ વેસ્ટ ઇન્ડિઝને 72 રનથી હરાવીને શ્રેણી પોતાના નામે કરી હતી.2002 નેટવેસ્ટ શ્રેણી- ઇંગ્લેન્ડના લોર્ડ્સ મેજાન પર થયેલી આ શ્રેણીની ફાઇનલને કોઇ ભારતીય ક્રિકેટ પ્રેમી ભૂલી શક્યું નહીં હોય. સુકાની સૌરવ ગાંગુલીની આગેવાનીમાં ભારતની યુવા બ્રિગેડે ઇંગ્લેન્ડને બે વિકેટથી હરાવ્યું હતું. મેચ જીત્યા બાદ ગાંગુલીએ ટી-શર્ટ ઉતારીને લહેરાવ્યું હતું. મેચમાં એ સમયના યુવા ખેલાડી કૈફ અને યુવારજે શાનદાર બેટિંગ કરીને પોતાની ક્ષમતા પુરવાર કરી હતી.


વિધાનસભા અધ્યક્ષ અશોકભાઈ ભટ્ટની તબિયતમાં સુધારો

ગુજરાત વિધાનસભાના સ્પીકર અશોકભાઈ ભટ્ટની તબિયત આજે વહેલી સવારે નાજુક થયા બાદ હવે તબિયતમાં સુધારો થયો હોવાનું જાણવા મળ્યું છે. અશોકભાઈને બે દિવસ પહેલા શહેરની સાલ હોસ્પીટલમાં દાખલ કરવામાં આવ્યા હતા. જોકે, છેલ્લા એક મહિનાથી અશોકભાઈની તબિયત બરાબર નહોતી અને તેમને ત્રણ વાર હોસ્પીટલમાં દાખલ કરવામાં આવી ચૂક્યા હતા. આજે હૃદયને લોહી પહોંચાડતી એક નળીમાં સ્ટેન્ટ મૂક્યા બાદ તબિયતમાં સુધારો થયો છે.સાલ હોસ્પીટલના મેડિકલ ડાયરેક્ટરના જણાવ્યા પ્રમાણે આજે વહેલી સવારે અશોકભાઈની તબિયત વધુ લથડી હતી. નિષ્ણાત ડોક્ટરોની ટીમે ખડે પગે રહીને સારવાર કરતાં થોડો સુધાર જણાયો હતો. જોકે, હાલ તેમને વેન્ટીલેટર પર રાખવામાં આવ્યા છે અને ચોવીસ કલાક નિષ્ણાત તબીબોના ઓબ્ઝર્વેશન હેઠળ અશોકભાઈની તબિયતનું ધ્યાન રાખવામાં આવી રહ્યું છે. ડો. સમીર દાણી દ્વારા અશોકભાઈને હૃદયને લોહી પહોંચાડતી નળીમાં સ્ટેન્ટ મૂકવામાં આવ્યા બાદ અશોકભાઈની તબિયત સુધારા પર હોવાનું સત્તાવાર સૂત્રોએ જણાવ્યું હતું.


આ છે KKRની પોલ ખોલનાર ‘ફેક IPL પ્લેયર’

યાદ છે તમને, 2009માં સુરક્ષાના પગલે ભારતની ક્રિકેટ લીગ આઇપીએલની મેચો સાઉથ આફ્રિકામાં યોજાઇ હતી. તે દરમિયાન એક જોરદાર વિવાદ ચગ્યો હતો. અને તે વિવાદ ઉભો કરનાર હતો ફેક આઇપીએલ પ્લેયર. જો કે, હવે આઇપીએલનો આ ફેક આઇપીએલ પ્લેયર લોકો વચ્ચે આવી ગયો છે.તે કોલકતા નાઇટ રાઇડર્સ ટીમનો પોતે એક હિસ્સો હોવાનું જણાવી ફેક આઇપીએલ પ્લેયર નામના બ્લોગ થકી શાહરુખની ટીમની પોલ ખોલતો હતો.શનિવારે ટાઇમ્સ નાઉ ન્યુઝ ચેનલ પર તેણે પોતાની ઓળખ લોકો સમક્ષ મુકી હતી. તેણે પોતાના બ્લોગ પર લખ્યું છે કે, ફેક આઇપીએલ પ્લેયર તરીકે હવે આરામ કરવાનો સમય આવી ગયો છે. એ પ્રવાસ ઘણો ઉત્સુકતા ભરેલો હતો. પરંતુ દરેક સારી બાબતની જેમ તેનો પણ અંત લાવવો જ જોઇએ.


'કેટરિના વિશે કાઈ જ ન પુછતાં'

બોલિવૂડ અભિનેતા સલમાન ખાન હાલમાં જ તેની આવનારી ફિલ્મ દબંગનાં પ્રોમોશન માટેની પ્રેસ કોન્ફરેન્સ દરમિયાન ઘણો જ ગુસ્સામાં નજર આવ્યો હતો. તે પત્રકારો દ્વારા કેટરિના સાથેનાં બ્રેકઅપ અંગેનાં સવાલો વારંવાર પુછાતા ભડકી ઉઠ્યો હતો.આ પ્રેસ કોન્ફરેન્સમાં સલમાને આવતા પહેલાં જ ચોખ્ખુ જણાવી દિધુ હતું કે તે તેનાં અંગત જીવન ખાસ કરીને કેટરિના સાથેનાં બ્રેકઅપ બાબતે કોઈ વાત કરશે નહી. તે ફક્ત દબંગને પ્રમોટ કરવામાટે આ કોન્ફરન્સમાં આવ્યો છે.પણ મીડિયા તેનાં અને કેટરિનાનાં બ્રેકઅપ વિશે વધુમાં વધુ જાણવા ઉત્સુક હતી તેથી કેટલાંક પત્રકારોએ તેને આ પ્રશ્ન સાથે સંકળાયેલાં પ્રશ્નો પુછ્યા હતાં તે સાંભળીને સલમાન ગુસ્સાથી લાલચોળ થઈ ગયો હતો. અને મીડિયાનાં કોઈપણ સવાલનો જવાબ આપવાનો ઈન્કાર કર્યો હતો. પછી ઘણી મહેનત બાદ સલમાન માન્યો હતો અને મીડિયા સાથે વાત કરવા રાજી થયો હતો.


આમાથી તમારો યૂથ આઈકોન કોણ છે?

બોલિવૂડમાં એક્ટર બનવા માટે ફ્ક્ત એક્ટિંગ અને ટેલેન્ટ હોવું જ જરૂરી નથી. અહી જો ખ્યાતિ અને નામની વાત કરીયે તો યુવાઓ વચ્ચે સ્ટાર્સનું લોકપ્રિય થવુ વધુ જરૂરી છે. આજકાલ આ સ્ટાર્સ દર્શકોનાં જીવનમાં પોતાનું સ્થાન બનાવવાં ફક્ત થિયેટરનો જ ઉપયોગ કરતાં નથી પણ સોશલ નેટવર્કિંગ સાઈટ્સ, વેબસાઈટ પોલ્સ પણ એક માધ્યમ બની ગયું છે. જેનાંથી સ્ટાર્સ સહેલાંઈથી તેમનાં ચાહકો સુધી પહોચીં શકે છે. તો ચાલો આજે બોલિવૂડનાં યુથ આઈકોન વિશે વાત કરીયે અને આપ જણાવો આપ કોને યુથ આઈકોન માનો છો.


પિતાનો જીવ બચાવવા પહોંચી ત્રણ વર્ષની બાળકી

રણ વર્ષીય એલેઝેન્ડ્રા ટફોયા ક્યારેક પોતાના માતા-પિતા વગર ઘરમાંથી એકલી બહાર પણ નિકળતી ન હતી. પરંતુ થોડા દિવસો પહેલા તે પોતાના પિતાની મદદ કરવા માટે ચાલીને જ ફાયર ફાઈટરોની મદદ લેવા માટે નિકળી પડી હતી. એલેઝેન્ડ્રાનો પરિવાર કેલિફોર્નિયાની મેનટિકા ફાયર સ્ટેશનથી અડધા કિલોમીટર દૂરના અંતરે રહે છે.તેની માતાએ તેને શીખવ્યું હતું કે ક્યારેય પણ ઈમરજન્સીની હાલતમાં ફાયર ફાઈટર્સ તેની મદદ કરે છે. આથી તેના પિતા બેભાન થઈ જતાં તે મદદ માટે ફાયર સ્ટેશને પહોંચી ગઈ હતી. આ પહેલા તે ફાયર સ્ટેશને ક્યારેય ગઈ ન હતી. ફાયર સ્ટેશને પહોંચીને તેણે ફાયર ફાઈટરોની મદદ માંગી હતી તેમજ તેના પિતાને હોસ્પિટલે પહોંચાડ્યા હતાં.એક ફાયર ફાઈટરે જણાવ્યું હતું કે એલેઝેન્ડ્રા ખૂબ બહાદૂર છોકરી છે. તેના પિતાની તબિયત કોઈ દવાના રિએક્શન બાદ ખરાબ થઈ ગઈ હતી. ડોક્ટરોએ જણાવ્યું હતું કે જો એલેઝેન્ડ્રા સમય પર પહોંચી ન હોત તો તેના પિતાનું મોત થઈ શક્યું હોત. ઘટના બાદ ફાયર ફાઈટરોએ હવે ત્રણ વર્ષની બાળકીનુ સન્માન કરવાનું નક્કી કર્યું છે. એવું પણ શક્ય છે કે તેની બહાદૂરીને જોઈને આગામી વર્ષોમાં તે બાળકીને નોકરી પણ આપી દે.


મારૂતિની નવી રિટ્ઝમાં ચાવી વગર એન્ટ્રી

કાર બનાવનાર ભારતની સૌથી મોટી કંપની મારૂતિ સુઝુકીએ પોતાની સ્મોલ કાર રિટ્ઝનું એક નવું મોડલ રજૂ કર્યું છે. તેનું નામ રિટ્ઝ જેનસ છે. આ મોડલની બહુ ઓછી ગાડીઓ બજારમાં ઉતારવામાં આવશે. પરંતુ તેની કિંમત રૂ.17,000 વધુ હશે. આ લિમિટેડ એડિશનની ફકત 500 કારો જ ઉતારવામાં આવી રહી છે.આ કોરાના એન્જિન વગેરેમાં કોઇ ફેરફાર નહિં હોય પરંતુ તેના બહારના હિસ્સાને સુંદર બનાવી દેવાશે. હાલ રિટ્ઝના બે મોડલ છે- વીએક્સાઇ અને વીડીઆઇ. વીએક્સઆઇની કિંમત રૂપિયા 4.52 લાખ અને વીડીઆઇની 5.31 લાખ (દિલ્હીનો એક્સ શોરૂમ)છે.રિટ્ઝ જેનસની સૌથી મોટી ખાસિયત એ છે કે તેમાં ઘૂસવા માટે ચાવીની જરૂર નહિં પડે. તેનું સ્ટિયરિંગ ઝૂકી જાય છે અને તેમાં ઇન્ટિગ્રેટેડ મ્યુઝિક સીસ્ટમ છે, જે ખૂબ જ સારો અવાજ કરે છે. એવું લાગી રહ્યું છે કે મારૂતિએ નિસાનની માઇક્રાના તર્જ પર નવ યુવાનોને રિઝવવા માટે આ મોડલ રજૂ કર્યું છે.

No comments:

Post a Comment