ઓઝાએ રંગ રાખ્યો, ભારત જીતની નજીક

visit our website ranako.com for variety of news and views of rajkot with kathiawadi flavour

ઓઝાએ રંગ રાખ્યો, ભારત જીતની નજીક

શ્રીલંકા સામેની ત્રીજી ટેસ્ટમાં બોલિંગમાં ઓઝાના શ્રેષ્ઠ દેખાવની મદદથી ભારત જીતની નજીક પહોચી ગયું છે. ત્રીજા દિવસના અંતે શ્રીલંકાએ બે વિકેટના નુકસાને 45 રન બનાવ્યા હતા. ચોથા દિવસની રમત દરમિયાન ઓઝાના તરખાટ સામે શ્રીલંકાના બેટ્સમેનો ટકી શક્યા ન હતા. ઓઝાએ સંગાકારા, જયવર્દને અને રંદિવની મહત્વપૂર્ણ વિકેટ ઝડપીને જીત માટેનો ભારતનો માર્ગ આસાન બનાવી દીધો છે.


કરિનાએ સૈફ માટે સપ્રાઈઝ બર્થ ડે પાર્ટી પ્લાન કરી

કરિના કપૂરે હાલમાં જ તેની શૂટિંગ માથી બે દિવસની રજા લીધી છે જાણવા મળ્યું છે કે આ રજા તેણે તેનાં બોયફ્રેન્ડ સૈફ અલી ખાન સાથે સમય વિતાવાં લીધી છે.કરિનાએ જરૂરથી કાંઈક અલગ જ પ્લાન કરીને રાખ્યું છે પરતું તે હાલમાં કોઈની જોડે તેનો પ્લાન શેર કરવાં માંગતી નથી. કરિનાએ આ વિશે જણાવ્યું હતું કે, તેને તે પણ ખ્યાલ નથી કે સૈફનાં બર્થ ડેનાં દિવસે તે તેની સાથે હશે કે નહી. હાલમાં કરિના લંડનમાં તેન ફિલ્મનાં શૂટિંગમાં વ્યસ્ત છે.ગત વર્ષે કરિના-સૈફે શિકાગોની કોઈ અજ્ઞાત જગ્યાએ બર્થ ડે સેલિબ્રેટ કર્યો હતો. જ્યારે વર્ષ 2008માં તેણે મુંબઈની નાઈટ સ્પોટમાં બર્થ ડે સેલિબ્રેટ કર્યો હતો. ચાલો હવે જોઈએ આ વર્ષે બેબો સૈફ માટે શું સરપ્રાઈઝ તૈયાર કરે છે


ભલે આમિર ઈડિયટ વિદ્યા રાસ્કલ નહી!!

આમિર ખાને તેનાં 40માં વર્ષમાં એક કોલેજ બોયનું પાત્ર ભજવીને પોતાની જાતને ભલે ઈડિયટ સાબિત કરી દીધો છે. તેણે ફિલ્મ 3 ઈડિયટ્સ બોક્સ ઓફિસ પર સુપર ડુપર હિટ સાબિત થઈ હતી. આ ફિલ્મમાં આમિર તો ઈડિયટ બની ગયો પણ જ્યારે ડેવિડ ધવને તેની ફિલ્મ રાસ્કલમાં વિદ્યાનો યુથફૂલ ફેસ ન હોવાથી રોલ ઓફર કર્યો ન હતો.પા અને ઈશ્કિયા જેવી સફળ ફિલ્મ આપ્યા બાદ પણ લાગે છે હાલમાં કોઈ આ હિરોઈનને લેવા માંગતા નથી. આ વિશે ડેવિડ ધવને જણાવ્યું હતું કે, ભલે વિદ્યા ગમ્મે તેટલી સારી કલાકાર છે તે આ રોલ માટે ફિટ નથી. આ ફિલ્મમાં એક નવોદિત અને યુથફૂલ ફેસની જરૂર છે. હાલમાં તો આ રોલ માટે લારા દત્તા, અનુષ્કા શર્મા અને કંગના રાણાવતનું નામ લિસ્ટમાં હતું જેમાંથી કંગના આ રોલમાટે ફાઈનલ કરવામાં આવી છે.જો કે સુત્રોનાં જણાવ્યાં પ્રમાણે, એવું પણ માનવામાં આવે છે કે ધમાલ2માં પૈસા ઓછા પડતાં તેને રોલ ગુમાવ્યો હતો અને આ ફિલ્મમાં પણ આવું જ કાઈ બન્યું છે. ફિલ્મ ધમાલ 2મા 1.5 કરોડ રૂપિયાની માંગણીને કારણે અને ફિલ્મ રાસ્કલમાં યુથફૂલ ફેસ ન હોવાને કારણે તેને ફિલ્મો ગુમાવી હતી.


સેક્સ ટેપ વેચી રહી છે ઈવા

હોલિવૂડ સ્ટાર માટે માનવામાં આવે છે કે તેઓને તેમનું અંગત જીવન જાહેર કરવું ઘણું પસંદ છે. ઈવા મેનડેસે આ વાત સાચી ઠેરવી છે. હાલમાં તે તેની સેક્સ ટેપ વેચવાનાં કારણે ચર્ચાનું કેન્દ્ર બની છે.તેણે તેની સેક્સ ટેપ વિલ ફેરિલ નામની કોમેડી વેબસાઈટને વેચી છે. ઈવાએ તેની સેક્સ ટેપ વિશે જણાવ્યું હતું કે, આ ટેપ જોઈ દર્શકોને જરાં વિચિત્ર લાગી શકે છે કારણ કે ટેપમાં ઘણાં બોલ્ડ સિન પણ છે.આ ટેપનું શૂટિંગ ખાસ કરીને રાતનાં અંધારામાં કરવામાં આવ્યું છે. આ વિડીયોમાં ઈવાએ હોલિવૂડ સોસાયટી ગર્લ પેરિસ હિલ્ટનનાં સ્ટાઈલની કોપી કરી છે, ટેપમાં ઈવા ખુબજ ઓછા કપડામાં જોવામાં આવી છે.


પામેલા-ડેવિડ સ્ટેજ પર કાંઈક આ રિતે મળ્યાં

હોલિવૂડ સ્ટાર પામેલા એન્ડરસન અને ડેવિડ હેસલ હોક ગત દિવસોમાં જ્યારે એક ટીવી શોમાં મળ્યા ત્યારે એકબીજાને જોઈને એટલાં તે ઉત્સુક થઈ ગયા હતા કે તેમણે એકબીજાનું સ્વાગત એકદમ ગરમ આલિંગન આપીને કર્યુ હતું. બન્ને એ બેવોચ સિરીઅલમાં સાથે કામ કરેલુ હતું તેઓ આ સિરીઅલમાં મુખ્ય કલાકાર હતાં.ટીવી સો ધ રોએસ્ટ દર્શકોને એવી તક આપે છે કે તે તેમનાં માનીતા સેલિબ્રિટીઝ સાથે વાત કરી શકે અને મજાક મસ્તી કરી શકે. જ્યારે દર્શકોને પામેલા સાથે મજાક કરવાની તક મળી તેઓ ખુશ થઈ ગયા હતા.58 વર્ષીય ડેવિડે પણ આ શોમાં ગેસ્ટ તરીકે ભાગ લીધો હતો. ડેવિડે જણાવ્યું હતું કે, એન્ડરસને કિસ અને આલિંગન દ્વારા મારુ સ્વાગત કર્યુ છે, તેની સ્વાગત કરવાની રીત ઘણી જ અલગ હતી. તેમણે સ્ટેજ પર તેમના જીવનની યાદગાર પળોને તાજી કરી હતી.


લેડી ગાગાને વિક્રમજનક ૧૩ નોમિનેશન્સ

પોપસ્ટાર લેડી ગાગાએ એમટીવી વીડિયો મ્યૂઝિક એવોર્ડ્ઝ માટે ૧૩ નોમિનેશન્સ મેળવ્યા બાદ એવોર્ડ-શો ઈતિહાસમાં સ્થાન મેળવ્યું છે. એક વર્ષમાં કોઈપણ કલાકારને મળેલા આ સૌથી વધુ નોમિનેશન્સ છે.ગ્રેમી એવોર્ડ વિજેતા ૨૪ વર્ષીય લેડી ગાગાએ જણાવ્યું હતું કે આ સન્માનથી તે ગદગદિત થઈ છે અને આ માટેનો યશ તેના પ્રશંસકોને આપ્યો હતો, જેઓને તે નાના શેતાનો કહે છે.તેને વધારે તો એ વાતનું ગૌરવ છે કે તેને અપશુકનિયાળ આંક ગણાતા ૧૩ નોમિનેશન્સ મળ્યા છે. તેના શુકનિયાળ ૧૩ નોમિનેશન્સમાં બેસ્ટ પોપ વીડિયો, બેસ્ટ ડાન્સ મ્યૂઝિક વીડિયો, બેસ્ટ ફીમેલ વીડિયો, બેસ્ટ કોરિયોગ્રફી અને બેયોન્સ સાથેના ગીત ‘ટેલિફોન’ માટે શ્રેષ્ઠ જોડાણનો સમાવેશ થાય છે.


સાન્ડ્રા બુલોકે સૌથી વધુ કમાણી કરી

હોલિવૂડની અભિનેત્રી સાન્ડ્રા બુલોક માટે આ વર્ષ અંગત જીવનની બાબતમાં ભલે ખરાબ રહ્યું હોય, પરંતુ કારકિર્દીમાં તે ટોચ પર પહોંચી છે. તે હોલિવૂડમાં સૌથી વધુ નાણાં મેળવનાર અભિનેત્રી બની છે. ફોબ્ર્સ મેગેઝિનની સૌથી વધુ કમાનાર અભિનેત્રીઓની યાદીમાં તેણે રીસ વિધરસ્પૂન અને કેમેરોન ડિયાઝને પાછળ રાખીને પ્રથમ સ્થાન મેળવ્યું હતું.જુન, ૨૦૦૯ અને જુન, ૨૦૧૦ની વચ્ચે તેણે ૫૬ મિલિયન ડોલરની કમાણી કરી હતી. પાંચ વર્ષના લગ્નજીવન બાદ તે આ વર્ષે તેના પતિ જેસી જેમ્સથી છુટી પડી હતી. જેમ્સે સાન્ડ્રાને છેતરી હોવાની કબૂલાત કરી તે પછી સાન્ડ્રાએ છુટાછેડાનો નિર્ણય લીધો હતો. ‘ધ પ્રપોઝલ’ અને ‘ધ બ્લાઇન્ડ સાઇડ’માંની તેની ભૂમિકાને લીધે સાન્ડ્રાને યાદીમાં પ્રથમ સ્થાન મળ્યું હતું. ‘ધ બ્લાઇન્ડ સાઇડ’એ ગત વર્ષે તેને શ્રેષ્ઠ અભિનેત્રીનો પ્રથમ એવોર્ડ અપાવ્યો હતો.વિધરસ્પૂન અને ડિયાઝ ૩૨ મિલિયન ડોલરની આવક સાથે અનુક્રમે બીજા અને ત્રીજા સ્થાને રહી હતી. ચોથા નંબરે આવેલી જેનફિર એનસ્ટિને ૨૭ મિલિયન ડોલરની કમાણી કરી હતી. આ યાદી માટે ફોબ્ર્સના તંત્રીઓએ ફિલ્મથી થયેલી આવક ઉપરાંત જાહેરખબરોથી થયેલી કમાણીને ધ્યાનમાં લીધી હતી.


આ શું છે મિની સ્કર્ટ, ફ્રોક કે પછી ગાઉન?

જ્યારે મલ્ટી ફંક્શનલ ફેશનની વાત આવે ત્યારે આવા ફેશનેબલ પિસીસ જોવા મળે જ છે. સરોગં ગાઉન જેમાંથી સ્કર્ટ અને મિની ડ્રેસ પણ બની શકે છે.હાલમાં અમણાં જ એક મોડેલે આવો એક ડ્રેસ રેમ્પ પર રજુ કર્યો હતો. જેની કિંમત 650 પાઉન્ડ હતી. આ એક પિસ માંથી સરોગં ગાઉન, ટ્યુનિક,ટોપ,ડ્રેસ અને સ્કર્ટ જેવી ઘણી વેરાયટી રજુ કરવામાં આવી હતી.આ પિસમાં મોડેલનાં કર્વ તેનું ફિગર પણ ઘણું જ સુંદર લાગતું હતું. જો કે આવાં મલ્ટીપલ ડ્રેસીસ મોડેલની ફિગર પ્રમાણે તેનાં માટે તૈયાર કરવામાં આવે છે.આ ડ્રેસની વાત કરીએ તો તે 90ટકા નાયલોન અને 7 ટકા ઈલાસ્ટિક મટિરીઅલનું બનેલું છે. 12 અલગ કલરમાં બનાવવામાં આવ્યાં છે.


પતિ પત્નીની સેવા ન કરે?

રોમાના દીકરાની મન્થલી ટેસ્ટ નજીક આવતી હતી અને વળી ચોમાસુ પણ હવે બરાબર જામ્યું હોવાથી એના માટે નવો રેઇનકોટ લેવાનો હતો. એ શહેરમાં ખરીદી માટે ગઇ હતી. આખી બપોર ફરીને એણે ખરીદી કરી અને પછી ઘરે પાછી ફરવાનો વિચાર કરતી હતી. ત્યાં એને યાદ આવ્યું કે આટલે સુધી આવી છું તો લાવ ને મોનલને મળતી જાઉં.એણે ત્યાંથી રિક્ષા કરી અને મોનલના ઘરે પહોંચી. પહેલાં તો એને થયું કે મોનલ જોબ કરતી હોવાથી ઘરે હશે કે કેમ? પણ પછી થયું આજે તો રવિવાર છે એટલે ઘરે જ હશે અને એ નહીં હોય, તો પણ એના પતિ રીતેશ તો હશે જ. ત્યાં જઇને જરૂર લાગશે તો મોનલને મોબાઇલ કરી દઇશ. રોમા આમ વિચારતી હતી એટલામાં તો રિક્ષા મોનલના ઘર સુધી પહોંચી ગઇ. રોમાએ જઇને જોયું તો મોનલને તાવ હોવાથી એ સૂતી હતી. બાજુમાં ખુરશી પર રીતેશ બેઠો હતો. રોમાને આવેલી જોઇ એણે એને આવકારી અને મોનલને જગાડી. રોમાએ પૂછ્યું, ‘શું થયું, મોનલ?’ તો રીતેશે જવાબ આપ્યો, ‘એને ત્રણેક દિવસથી તાવ આવે છે. ડોક્ટરને બતાવ્યું અને એમણે દવા લખી આપી છે, પણ હજી નબળાઇ ઘણી છે.’ રોમા મોનલ પાસે બેઠી. એ હજી ખબરઅંતર પૂછતી હતી, ત્યાં રીતેશ રસોડામાં ગયો.થોડી વાર બાદ રોમાએ મોનલને કહ્યું, ‘હવે તું આરામ કર, હું જાઉં.’ એટલામાં રીતેશ રસોડામાંથી ટ્રે હાથમાં લઇને બહાર આવ્યો. ટ્રેમાં ચાનો કપ, નાસ્તાની પ્લેટ અને રોમાના દીકરા માટે જયૂસનો ગ્લાસ હતો. મોનલ માટે પણ એ જયૂસનો ગ્લાસ સાથે લાવ્યો હતો. રોમાએ પૂછ્યું, ‘અરે, આ બધી તકલીફ ઉઠાવવાની શી જરૂર હતી? હું તો મોનલને મળવા આવી હતી અને તમે....’ જવાબમાં રીતેશે કહ્યું, ‘તો શું થઇ ગયું? મને કંઇ તકલીફ થઇ હોય અને મારા ખબરઅંતર પૂછવા કોઇ આવે તો મોનલ નથી કરતી? એ નોકરી કરવાની સાથે આખા ઘરની સંભાળ પણ રાખે છે. તો મોનલની બહેનપણી માટે હું ચા-નાસ્તો બનાવું તેમાં શું ખોટું છે?’રોમાને થયું, રીતેશની વાત તો સાચી છે. દરેક વખતે પત્ની જ પતિની સેવા કરે કે તેમના મિત્રો, સંબંધીઓની આગતા-સ્વાગતા કરે એવું કોણે કહ્યું? મોનલે પણ રીતેશને કહ્યું, ‘રીતેશ, તમારી આ વિચારસરણીનો તો મને આજ સુધી ખ્યાલ ન આવ્યો. તમે આટલા દિવસથી મારી સંભાળ રાખો છો, પણ ક્યારેય મને જણાવ્યું નથી.’ રીતેશ બોલ્યો, ‘એમાં તને જણાવવાની શી જરૂર? તું સમજે એ જ મારા માટે ઘણું છે.’ મોનલને અત્યંત આનંદ થયો. પતિની લાગણીનો ખ્યાલ આવવાની સાથે એ પણ સમજાયું કે રીતેશ કેટલો સમજદાર છે. પત્નીની તકલીફને સમજી એને સહકાર આપવામાં માનતો રીતેશ જેવો પતિ મળવા માટે એ પોતાને નસીબદાર સમજવા લાગી.


રાજકોટ : ગોકુલનગરમાં સાર્વજનિક, કોમન પ્લોટ, રોડ ગાયબ

રાજકોટમાં ભૂમાફિયાઓનો કોઇ તૂટો નથી. સૂચિત હોય કે સરકારી જમીન, જાણે કોઇ ધણીધોરી ન હોય તેમ તેના પર કબજો જમાવી લેવાય છે. આવી જ રીતે ગોકુલધામ પાછળ આવેલા ગોકુલનગરમાં એક નહીં પણ ત્રણ-ત્રણ મસમોટાં જમીન કૌભાંડો દિવ્ય ભાસ્કરના સર્ચ ઓપરેશનમાં ખુલ્લા પડ્યા છે. જેમાં સાર્વજનિક પ્લોટ, કોમન પ્લોટ અને આખે આખો રસ્તો પચાવી પાડી ત્યાં ઓરડી, મકાનો ઊભાં કરી ભાડુ ખાવાનો ધીકતો ધંધો બેરોકટોક ચાલી રહ્યો છે.પી.ડી.એમ. કોલેજ પાછળ આવેલા ગુરુપ્રસાદ ચોક નજીક અને ગોકુલધામને લાગુ ગોકુલનગર વિસ્તારમાં રાજકીય ક્ષેત્રે સંકળાયેલી ભૂમાફિયા ટોળકી દ્વારા સોસાયટીનો સાવર્જનિક પ્લોટ, કોમન પ્લોટ અને રસ્તો પચાવી પાડ્યો છે અને તેના ઉપર બાંધકામ ખડકી દઇ ભાડે આપી દીધા છે. આ માહિતીના આધારે દિવ્ય ભાસ્કરની ટીમ સ્થળ પર જઇ તપાસ કરતા જમીન કૌભાંડની સિલસિલાબંધ માહિતી મળી હતી. અહીં ગોકુલનગર વિસ્તાર જ્યાં બન્યો છે એ જમીન સનદ નં. જી-૩૧ નંબરથી અને ઠાકરશી જીવરાજના નામે તા. ૧-૯-૧૯૬૪માં બિનખેતી થયેલી છે.તેમાં કુલ પ્લોટ એરિયા ૬૯૭૦૨-૧, સાર્વજનિક રસ્તા ૩૧૨૧૧-૮ મળી એકંદરે કુલ ૧૦૦૯૧૪ ચોરસવાર છે. આ રીતે વિસ્તરેલા ગોકુલ નગરમાં હાલ શેરી નં. ૬ના ખૂણે સોસાયટીના મંજૂર થયેલા લે-આઉટ પ્લાનમાં બગીચાના હેતુ માટેનો સાર્વજનિક પ્લોટ બોલે છે પણ સ્થળ તપાસ કરતા માલૂમ પડ્યું કે, આ સાર્વજનિક પ્લોટમાં અંદાજે ૧પથી વધુ કાચા-પાકા મકાનો ઊભા થઇ ગયા છે. આવી જ રીતે ગોકુલનગરને અડી દ્વારકાધીશ સોસાયટી બની છે. બન્ને સોસાયટીની બોર્ડર પર ગોકુલનગરનો એક કોમન પ્લોટ આવેલો છે તેમાં પણ ઓરડી ઉભી થઇ ગઇ છે.આ તો થઇ પ્લોટની વાત, અહીં આખે આખો રસ્તો પણ પચાવી પાડવાનું કૌભાંડ આચરવામાં આવ્યું છે. શેરી નં. ૬ને અડીને જ ૩૦ મીટરનો રોડ લે-આઉટ પ્લાનમાં બોલે છે. પણ વાસ્તવિક સ્થિતિએ મેઇન રોડથી જોઇએ તો આખે આખી શેરી જ ગાયબ થઇ ગઇ છે. અંદરની બાજુથી તપાસ કરાતાં માલૂમ પડ્યું કે, આ રોડ પર અંદાજે ૨૦ જેટલાં બાંધકામો ઉભા થઇ ગયા છે.



એમ.એ.મએસ. માં અભિનેત્રી કહ્યું 'જહાંગીર છે મારો પતી'

ટેલીવિઝન અભિનેત્રી સેહરિશ અને જહાંગીરનો મામલાનો અંત આવતો જ નથી. જહાંગીરે બુધવારે જે એમએમએસ મીડિયાને બતાવ્યો છે જેમાં સેહરિશે પોતાને જહાંગીરને પોતાની પત્ની બતાવી છે. એમએમએસમાં સેહરિશને એ કહેતા પણ બતાવી છે કે જહાંગીરની સાથે તેના લગ્ન થઈ ચુક્યાં છે અને તેની સાથે બહુ જ ખુશ છે.સેહરિશ અને જહાંગીરનો આ વિવાદ મંગળવારના રોજ તે સમયે સામે આવ્યો હતો જ્યારે જહાંગીર અને તેના મિત્રોને સેહરિશ અને તેના પરિવારજનો પર હુમલો કર્યો હતો. સેહરિશના પિતા રિઝવાને કહ્યું હતું કે જહાંગીરના પરિવારજનો તેમના પર જબરજસ્તી સંબંધ કરવા માટે દબાણ કરી રહ્યાં હતાં.તેમણે ધમકી પણ આપી હતી કે જો સેહરિશના લગ્ન જહાંગીરની સાથે થયા નહીં તો તેમની પુત્રીને ઉઠાવીને લઈ જઈશું. ત્યાર બાદ જહાંગીરે બુધવારે પોતાની ઉપર લાગેલા આરોપોનું ખંડન કર્યું.ગુરુવારે જહાંગીરે પોતાના મોબાઈલથી એક એમએમએસ મીડિયાને મોકલ્યો જેમાં સેહરિશે પોતાને જહાંગીરને પોતાની પત્ની બતાવી છે. પોલીસ આ કેસમાં બન્ને પક્ષની વિરુદ્ધ ફરિયાદ દાખલ કરી ચુકી છે.સેહરિશના પરિવારજનો પર આરોપ - જહાંગીરના પરિવારજનો પર પણ ગંભીર આરોપ લગાવ્યાં છે. તેનું કહેવું છે કે સેહરિશની માતા તેના ઘરે બોલાવતી હતી. તેની માતાએ જ તેને સેહરિશની પાસે મુંબઈ મોકલી હતી. તેને એ પણ ખબર નહોતી કે સેહરિશ અને જહાંગીર મુંબઈમાં સાથે રહે છે.હજુ આ અંગેમાં સેહરિશ તરફથી કોઈ ફરિયાદ દાખલ કરવામાં આવી નથી અને જો ફરિયાદ દાખલ કરાવવામાં આવશે તો તેની તપાસ કરવામાં આવશે.


રહસ્યઃ આ આંખોમાંથી વરસતા હતા હિરા ?

આ વાત 1996ની છે, લેબનાનમાં રહેતી 12 વર્ષની હસના મોહમ્મદ મેસલમાનીની આંખોમાંથી કાચના ટુંકડા નિકળી રહ્યા હતા. આ રહસ્યમય ઘટના માર્ચ થી નવેમ્બર સુધી ચાલી હતી. આ ઘટનાએ સંપૂર્ણ અરબ જગતમાં હલચલ મચાવી મૂકી હતી.આ ઘટનાની ખાત્રી ઘણા બધા ડોક્ટરો અને વિશેષજ્ઞોએ કરી હતી. જ્યારે હસના ધાર્મિક અને વૈજ્ઞાનિક આકર્ષણનું કેન્દ્ર બની ગઇ હતી. જો કે અચાનક એવા સમાચાર આવ્યાં હતા કે હસનાએ કબૂલ કરી લીધુ છે કે આ બધુ જ ધુપ્પલ છે.જો કે હસનાના નિવેદન બાદ કેટલિક એવી બાબતો હતી કે જે સવાલના જવાબ મળતા નહોંતા. જો તે પોતે આંખમાં કાચના ટુકડાઓ મુકતી હતી તો તેની આંખમાં ઇજા કેમ નહોતી પહોંચતી. આ પહેલા પણ વૈજ્ઞાનિકોએ આ પ્રક્રિયાને કેમેરામાં શૂટ કરી હતી, જેમાં સ્પષ્ટ રીતે દેખાતુ હતું કે કાંચના ટુકડાઓ તેની રેટિનામાંથી નિકળતા હતા. આ તમામ બાબતો જાણવા માટે એક જૂથે સચ્ચાઇ જાણવાનો નિર્ણય કર્યો.આ જૂથના એક સદસ્યે હસનાના પિતા સાથે મિત્રતા વધારી. થોડા દિવસ બાદ હસનાના પિતાને તેણે જણાવ્યું કે તે હસનાની ઘટનાને સાચી માને છે. આ વાતથી ઉત્સાહિત થઇને હસનાના પિતાએ જણાવ્યું કે હસનાએ આ પહેલા એક વિચિત્ર સપનું જોયુ હતુ અને ત્યારબાદ આ સમગ્ર ઘટનાની શરૂઆત થઇ હતી.બાદમાં તેના પિતાએ હસનાને સમજાવ્યું કે તેને સપનામાં નહિ હકિકતમાં એક સફેદ કપડા પહેરીને ઘોડા પર બેઠેલો વ્યક્તિ દેખાયો હતો. તેણે જણાવ્યું હતું કે આ બધુ ભગવાનની મરજીથી થઇ રહ્યું છે અને જ્યાં સુધી તેની મરજી હશે ત્યાં સુધી તે ચાલુ રહેશે.


જમ્મુ-કાશ્મીર: લેહમાં વાદળ ફાટ્યું, 50ના મોત

જમ્મુ કાશ્મીરના લેહમાં ગઈકાલે રાત્રે વાદળ ફાટવાની ઘટના બનતા જબરજસ્ત વરસાદ પડ્યો હતો જેમાં 50લોકોના મોત છે અને 200થી વધારે લોકો ઈજાગ્રસ્ત થયા છે. જિલ્લામાં પડેલા ભારે વરસાદને કારણે હોસ્પિટલમાં પણ પાણી ભરાઈ ગયું હતું તેમજ સામાન્ય જનજીવન ભારે પ્રભાવિત થયું હતું. આ ઘટના રાત્રે લગભગ 12 વાગ્યાની આજુબાજુ બની હતી. ઈજાગ્રસ્ત લોકોને તાત્કાલિક હોસ્પિટલ ખાતે ખસેડાયા હતાં.સુત્રો દ્વારા જાણવા મળ્યું છે કે વાદળ ફાટવાથી થયેલા અતિભારે વરસાદને કારણે કેટલાય મકાનો વહી ગયા હતા તેમજ એક બસ સ્ટેશન પણ ભારે પૂરમાં વહી ગયું હતું. હાલમાં સમગ્ર લેહમાં ફોન સેવાઓ પણ ઠપ્પ થઈ ચુકી છે. ખાસતો જૂના લેહ શહેરમાં પૂરની ભારે અસર થઈ છે.આ કારણે બીએસએનએલની બિલ્ડિંગ અને સીઆરપીએફની બિલ્ડિંગની સાથે એક પુલ પણ તણાઈ ગયો હોય તેવું સુત્રો દ્વારા જાણવા મળ્યું છે. આ વિસ્તારમાં વિમાન સેવા અને દૂર સંચાર પણ ઠપ્પ થઈ ગયું છે. લેહ એરપોર્ટ પર પણ પાણી ભરાઈ ગયું છે.શહેરની મુખ્ય હોસ્પિટલમાં પણ ભારે વરસાદને કારણે પાણી ભરાઈ જવાથી તેની કામગીરી પણ ઠપ્પ થઈ ચુકી છે જેથી ઘાયલોને આર્મી હોસ્પિટલમાં લઈ જવામાં આવી રહ્યા છે. આ ઘટનામાં મૃતકોની સંખ્યા વધી શકે તેવી શક્યતાઓ પણ રહેલી છે. આ સિવાય લેહનું જૂનુ બસ સ્ટેડ પૂર્ણ રીતે પાયમાલ થઈ ગયું છે. આ ધટના બાદ 6 હજાર જવાનોને મદદ કાર્ય માટે મોકલી દીધાં છે.